DAMRA

موقع ترفيهي للتسليه والمعلومات
 
الرئيسيةالتسجيلدخول

شاطر | 
 

 حوار عادي بين افراد عائله أردنيـة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
kamal damra
¨°o.O ( نائب المدير) O.o°¨
avatar

عدد الرسائل : 814
العمر : 37
تاريخ التسجيل : 12/05/2008

مُساهمةموضوع: حوار عادي بين افراد عائله أردنيـة   السبت مايو 17, 2008 4:48 am

حوار عادي بين افراد عائله أردنيـة


الأب مخاطب الابن : تعال وله


الابن و بكل براءة : نعم


الأب :نعامة ترفصك ... تعال وله


الابن : ليش شو سويت؟


الأب : سواك ضريب يخلع رقبتك


الابن : شو فيه؟


الام : شاوي يشوي عضمك ....رد على ابوك بأدب وله


الابن : هوه انا حكيت شي؟


الأب:حكحكوا جنابك بالعصايه اوقف عدل يا حيوان


الابن : حاضر


الأم :يحضروا على قبرك انشالله ... لما ابوك يحكي انت بتخرس


الابن :أخرس؟


الأب : ايوه ان شالله خرسه


الابن: ماشي


الأم: اجاك مشش بركبك ما تقوم منه انشالله


الابن :مشش ؟؟؟ شو هاذا المشش؟؟


الأب: اما انك قليل حيا ..وبترد على امك كمان ؟ هات العصاي وتعال وله


الابن: انا رديت على امي؟ يمّـه احكي كلمه


الأم: موا يمزع نيـعـك وله ....حكيتلك اخرس





الابن الان اصبح مغلوب على امره ومش فاهم ايش الموضوع وصمت





الأب: أما جيل قليل حيا...احكي وله ... مالك انخرست


الابن : شو احكي؟ اذا حكيت بتقولوا عني قليل حيا وبتشوفوني غلط


الام :حيه الي تقرصك انشالله ... قلتلك تأدب وانت بتحكي مع ابوك


الأب : ايش 'بتشوفوني غلط' هاي ... شايفنا عميان ولا حول ؟


الابن : لا اله الا الله


الأم : الله يوخذك انشالله .... يا ريتني خلفت ابن الجيران ولا انت


الأب: انا مش عارف هاذا الولد متى بده يصير زلمه...
الرجوع الى أعلى الصفحة اذهب الى الأسفل
dranoom
عضو متوسط الخبره
عضو متوسط الخبره
avatar

عدد الرسائل : 233
العمر : 28
المزاج : كوووول
تاريخ التسجيل : 08/05/2008

مُساهمةموضوع: رد: حوار عادي بين افراد عائله أردنيـة   الإثنين مايو 26, 2008 4:18 pm

bs bel2ordon by7ko heak???? its nice
الرجوع الى أعلى الصفحة اذهب الى الأسفل
 
حوار عادي بين افراد عائله أردنيـة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
DAMRA :: قسم النكت والنهفات :: قسم النكت-
انتقل الى: